2024.11.2-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.10.27 《前一篇

後一篇》 2024.11.9

回應

給他日記貼紙

給他愛的鼓勵

檢舉

篇名: 2024.11.2
作者: C	日期: 2024.11.02　　天氣: 　心情:

今仔日是十一月初二。禮拜六。我佇葛雷多摸非。
拜四又閣是風颱假，歇一日，也是佇拜四。
拜四的工課閣欠一日，所以全廠的工課愈袂平均。進度想欲趕嘛趕無路來。

因為拜五是麻煩日，所以下晡對彼兩場特別歹性地。
經過頂禮拜五頂頭罵過，昨昏我共歹就較有底氣。

拜二全公司翕相，我煞無舊年遐興矣，
厝裡阿母叫搭鐵厝來看，
結果原來天窗無無去，是掀開爾。
閣對厝頂外抾一扇新的網仔門，無知佗一間落去的。
暗時我共向時山陀兒風颱了所款的糞埽摜去擲。因為康芮風颱閣欲來矣

拜三我共檢驗單分予各廠保管。預計後禮拜一欲施測。
下晡開會我一直盹龜，太太敲電話叫我去新厝做防颱準備。
下班我就去共陽台的物件收收款款咧。

這站仔毋知咧想啥？我感覺工課攏無啥用心。
一直看信箱感有著獎消息。
昨昏下晡太太講伊佇新厝，叫我下班直接過去。
我下班過了後，就共陽台掃掃咧。太太取囡仔去買菜轉來矣。

暗時我載囡仔去上課的時，
我有共太太講著我寫詩的困擾。
我感覺現代詩佮古典詩的差別。
我會曉寫的是像古典詩愛有題目，愛有形體，佇這款限制內底去發揮
現代詩我掠無形體，因為太自由，我煞袂曉發揮
因為我無詩人的氣質佮天性
我只會曉佇束縛中去展技巧
就親像籠仔內的鸚哥，學人講話，
袂當像天頂的鳥仔，自由的飛。

就像傳統素描寫生佮現代藝術差別仝款
看物件畫猶會使，小可會成，毋過愛我照心內的想法畫，我就無法度
因為我心內無想法，心內無圖像，所以無通想咧畫
就像以早寫歌。
我無音樂的天分，袂曉用純音樂去譜，
我干焦會曉用台語讀音去沓沓仔勉強牽成一首，
若是台語詞句無夠好，做出來的物件就袂看得。

這是天分的限制，就像人的面相美醜，純是半生成。
我閣按怎妝，嘛無法度變做林志玲金城武。

所以我上網看舊年評審的開會講評閣分數。
評審嫌我的對聯無夠媠。
這嘛是我舊年咧寫的時陣有感覺到的。

停仔欲載阿爸阿母去草地。

標籤:

瀏覽次數:109 人氣指數:309 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：