2024.7.16-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.7.15 《前一篇

後一篇》 2024.7.20

回應

給他日記貼紙

給他愛的鼓勵

檢舉

篇名: 2024.7.16
作者: C	日期: 2024.07.16　　天氣: 　心情:

今仔日是七月十六，禮拜二，我佇葛雷多摸非。

講著拜四7/11欲半暝十一點才到囡仔阿媽兜。阮趕緊洗身軀，佮囡仔做伙起去阿媽房間睏。
隔日7/12(五)睏誠晏，七點外才起來。舅仔妗仔欲上班。
丈姆的三輪車害去，無法度載糞埽去摒，是阿嫂騎機車載去。
結果我攏無做啥，無買早頓，嘛無摒糞埽。
大舅仔開貨車來載三輪車轉去修理換輪，誠厲害。
阿健嘛來，下晡開車欲去頭家遐保養。
我嘛拄好欲去看車擋仔。
我共頭家講踏擋仔攏有聲，頭家閣巡看覓。
我問頭前輪敢愛換，伊看一下講猶毋免，後逝才換猶會使。

我就佮太太囡仔去附近85度c那食咖啡那等。
太太佇遐共囡仔買一塊風中奇緣有聲書20箍。

等車修理好，頭家講毋免錢。因為無問題。

下晡欲載警察生轉去竹山，就麻煩姊夫幫忙訂宿舍。
大姨仔誠摮做，毋但買番薯，佮摜一戴葡萄予阮。
阿慶已經組好彼隻五千箍的龍。
囡仔佮阿慶做伙耍電動，親像以早厝裡彼台wii sport較欲仝款。

暗時欲轉去宿舍時，先去楓康買麵包、牛奶、四秀仔佮茶。
已經冬外無來蹛矣。
7/13(六)透早五點外囡仔就叫我起床。我叫伊先去洗喙洗面。
伊洗好佮一直叫我，我六點外擋袂牢只好起來。
取伊行去老油條食早頓，結果伊講欲轉去矣。
斡去711買一杯咖啡才轉去。

我佮囡仔佮睏一下到九點外才予太太叫醒。
去大姨仔兜，囡仔講欲去森林耍，就做伙去下坪。
拄著有團咧紹介，我就綴團聽一下仔。
看伊紹介旅人蕉會噴水。毋過可能是驚人會烏白試，伊講水裡有線蟲，毋通生飲。

中晝姨仔取阮去食中晝，結果囡仔阿慶因為傷晏食早頓，攏食袂了。
警察生攏佇厝裡拍電動毋出門。

下晡先轉來歇睏一下，我佮載太太去姨仔兜摜番薯。
囡仔太太講欲閣加蹛幾日。
我就先家己轉來高雄。

竹山下晡攏會落雨。所以我驚傷暗歹駛。
沿路攏細陣，拄著矣就叫大陣，毋過攏無欲來的時遐大。

彼日欲來的時，落雨落甲看攏無路，踏擋仔佮會小可撇。
我驚是擋仔害去。大舅仔講落大雨駛車愛注意：
1.毋通開故障燈，按呢後壁的車毋知頭前狀況，應該開霧燈，但是我的車是舊型，猶無裝。
2.盡量開外線較袂積水，踏擋仔才袂滑。

一路攏無歇睏，先去新厝洛貨：大舅仔送太太一台跤踏車，太太買的咖啡。
我才閣開轉去厝食飯。

標籤:

瀏覽次數:162 人氣指數:162 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：