2024.5.4-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.4.27 《前一篇

後一篇》 2024.5.11

回應

給他日記貼紙

給他愛的鼓勵

檢舉

篇名: 2024.5.4
作者: C	日期: 2024.05.04　　天氣: 　心情:

今仔日是五月初四，禮拜六，我佇葛雷多摸非。
頂禮拜六嘛佇新厝過暝。我搬誠濟工課轉來做。
嘛是禮拜暗時才轉來。本來欲去食高醫附近義大利麵，結果一間艾等，一間無開。
就開轉來食好食丼。
阿母問我敢有去復興路問頭家塗水師電話。我應無。
隔日拜一下班，我去問，頭家應講逐家攏誠無閒啦。我就準拄煞。
轉去心情無好，愛閣另外揣。暗時佮太太囡仔去家樂福食飯，
毋但飲料機斟一甌義式烏咖啡，閣痟貪閣點一杯漂浮冰咖啡。
結果暗時睏袂去，囡仔袂睏，我就去洗衫披衫，看一下仔手機仔影片。
等我入去睏，太太煞半暝仔起來，問我最近閣咧毋閒啥物？是毋是閣來矣？隨欲巡我的手機仔。
我手機仔提予伊看，明明無啥，伊閣一个一个巡，一个一个問。
我睏袂去是因為咖啡啉傷濟啦。
本來是歡喜的一工，煞變成按呢。

這件事予我感覺誠艱苦。
一種無形的壓力，甲若烏雲罩咧。
日時上班嘛是。
最近公司內底，一種無形的壓力，頭家高層無挺，產品客戶閣狡怪。
產品的檢驗登錄一直袂完全，

拜二透早我先去買早頓轉來，就去上班開會。
雖然等著一批毋免做，嘛是毋較閒。
我的happy tuesday 嘛是佇毋閒中準煞。
轉來囡仔講攏無看著我，連阿母嘛看出我怪怪。

拜三勞動節，我無歇睏嘛無算加班。
下晡我開會做紀錄，毋過閣愛填誠濟張報告，
下晡甲若欲落雨，我先走。
去買一甌咖啡，食甲一半，太太叫來講停仔載囡仔去機器人遐上課。
我先轉去，結果太太載囡仔轉來，講無落雨伊載就可以。

5/2拜四早時聽著楊仔講宋仔車厄的消息。
宋仔前一站仔去予客戶投，公司高層無挺，閣拍算開會共辭頭路。一直誠鬱卒。
明明是漚客烏白投，公司煞畏事，干焦想欲扶人客。
這就是佇這途上鬱卒的所在。一點仔保障攏無。
規間辦公室攏嗟高層嗟甲欲死。
中晝叫幾項產品愛補試。
下晡下班了，開車停紅燈，敲電話去劉家，訂三份捲餅。
因為阿爸新曆生日，簡單慶祝一下。
太太載囡仔轉來，欲隨去上英語。我吩咐伊轉來買麥仔酒。
暗時阿兄嘛提四粒便當轉來。伊講一粒五十。
伊猶毋知是阿爸生日。拄拄好。
因為暗頓傷腥臊，所以我共太太講毋免去外口食，
太太就接囡仔轉來食。

5/3昨昏拜五，我頭殼疼規工，
蔡仔叫我去護士遐提普拿疼。我講毋免。因為我知影食嘛無效。
頭殼疼大概若毋是眼壓懸，就是壓力大，抑無就是無眠，抑是感冒。

硩佇新肝頭的石頭抑是結，若無搬徙抑是敨開，早慢會袂喘氣。
楊仔攏叫是我誠豁達看會開，其實毋是。
拜一我為著一項產品起性地，涂老大叫我看較開咧，受氣無效。
我嘛驚這擺性地予客戶投。
我就是按呢壓力到這馬。

標籤:

瀏覽次數:130 人氣指數:130 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：