2023.8.1-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.31 《前一篇

後一篇》 2023.8.2

回應

給他日記貼紙

給他愛的鼓勵

檢舉

篇名: 2023.8.1
作者: C	日期: 2023.08.01　　天氣: 　心情:

今仔日是八月初一，禮拜二。我佇葛雷多摸非。
一個月的開始，我先共前幾日的代誌做一下交代：
7/29禮拜六，中晝過，天氣較好，太太講囡仔欲去坐火車。我只好綴路。
揣一个無去過的站，揀林鳳營。
先買到台南的自強號，結果我假摮，以為會當到善化補票，結果善化無停，直接到新營。
住車頂予車長補票，三个兩百外，加開錢，誠懊惱。
站長了解阮的狀況，寫一張新營到善化免費的證明，只有補對台南到善化的票價。
我學著袂當衝碰跋運氣，代誌結果總會和家己想的無仝。
落新營站先去食素食，好食。對面寶雅買兩罐茶。
欲按怎買票去林鳳營，閣和太太冤起來：
我建議直接買新營到林鳳營，因為只有兩站較俗
太太講愛買善化到林鳳營。因為憑補票咱會當免錢到善化...
我無想欲閣假摮，嘛無愛諍，就順太太意，
結果太太那想那無著，怪我無應該買票，因為洛南，善化較遠林鳳營，咱會當憑證明免票，只是提早落車。
我無想欲閣講，只是應講反正咱嘛是愛欲有林鳳營的票爾。
原來太太一開始共各站順序舞毋著去，攏想欲諍甲贏。
有幾遍嘛是按呢，兩個人的意見若是無仝，一開始我嘛毋知啥人著，
我閣袂曉諍，諍攏袂贏，就規氣先聽太太的。
這擺裝潢嘛是，我外行，先聽太太的，才閣做伙面對紲落來的代誌。

講著裝潢，昨昏早時，建商閣敲來約會面，到昨暗阮才回拜四，伊講欲佇伊公司，傷遠，阮無愛，載囡仔袂赴。

7/31(一)昨昏誠無閒。先在阿爸阿母去郵局，我先加油，閣去九如路台灣銀行，閣去中華路家樂福剃頭。
第一擺開車去，結果停到ikea停車場。行去家樂福剃頭轉來，去ikea買冰予阿爸阿母食。
轉來到厝，阿母叫我去買中晝頓。
食飽我整理英語册欲予囡仔練習。三點阿母閣叫我載伊去小妹飯店遐，我陪哥哥妹妹耍。
去大樓厝尾頂看風景。
五點轉來閣叫我去買菜來配。

標籤:

瀏覽次數:211 人氣指數:211 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：