2023.7.9-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.8 《前一篇

後一篇》 2023.7.15

回應

給他日記貼紙

給他愛的鼓勵

檢舉

篇名: 2023.7.9
作者: C	日期: 2023.07.09　　天氣: 　心情:

今仔日是七月初九禮拜日。我佇葛雷多摸非。
昨昏早仔因為先載阿爸去早市買番薯，只好摸非一下仔，就先敲電話予太太，伊拄起來，猶愛睏聲。
我隨趕去買早頓，閣隨轉去看太太囡仔款好未？結果囡仔猶閣佇床頂躽，
我想著八點半到遐報到，愛開點外鐘的車，心內誠急。
結果太太竟然問我橫直攏到台南矣，敢會使結束了直接去台中？
我聽著實在風火著，太太做代誌攏家己想家己決定，
我只是應講行李猶未款，傷趕，伊竟然講一時仔就好，我直接講毋通，隨落樓。

天文館佇台南大內，毋捌去過，開手機仔揣路。
我的老車，聲誠大，愈開愈大聲。無啥敢催油。驚雄雄煞顧路就害矣。
到遐矣驚九點四十矣。
問一下，好佳哉閣會使報到。分兩組，阮佇A組，第九隊。囡仔號名叫火車。有兩隊無來。
十點開始，用平板比賽，囡仔不時會因為緊張興奮講出聲，我一直提醒。
攏總十五條題目，比正確閣速度。全是天文問題。
大部分我攏袂曉，半想半臆。
前三名有獎金，兩組下晡決賽。
結果比賽結束第六名。囡仔誠厲害。伊應該是內底上細漢的。
中晝食遐的餐廳，叫兩份素食。太太佮囝仔公家。
參觀一下其他的館，一點半看劇場，走揣新地球。
暗濛濛誠好睏，太太一下仔就開始鼾，我隨共搖醒。
毋過我嘛目睛皮誠重，尾仔瞌咧用聽的。
下晡佇一間教室看冊，囡仔誠愛看迷宮冊。
我出去行行咧順緤食薰。上尾閣去商品站買干樂。就轉來矣。
轉來的時，我嘛無啥敢駛傷緊，希望會當擋較久咧，擋到隔日去台中予人巡。

轉來高雄，我佮太太攏小可枵，囡仔已經睏去。
就去彼間囡仔上機器人課附近的711，內底有素食料。
我佮買一碗涼麵食。太太買米糕，囡仔食冰閣食烘番薯。

暗時是林哥哥生日，妹婿買兩个雞卵糕較有夠食。可是小妹拄對恢復室捒入去病房歇睏。
暗時，衫洗好，先落去提寡衫褲肩仔起來才有夠。
披衫了，佮囝仔、阿爸阿母做伙耍牌仔，十點才起來睏。

標籤:

瀏覽次數:203 人氣指數:203 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：